ХАТЛОН. АНҶОМИ СЕМИНАРИ ОМӮЗИШӢ БАРОИ ФАЪОЛОНИ ИТТИФОҚИ КАСАБАИ КОРМАНДОНИ МАОРИФ ВА ИЛМ

Новости

БОХТАР, Семинари омӯзишӣ дар доираи тавсеаи ҳамкории мутақобилан судманд миёни Кумитаи Иттифоқи Касабаи Маорифи Аврупо, Иттифоқи касабаи омӯзгорони Шветсия ва Иттифоқи касабаи кормандони маориф ва илми Ҷумҳурии Тоҷикистон барои фаъолони Иттифоқи касабаи кормандони маорифи шаҳрҳои минтақаи Бохтари вилояти Хатлон ба анҷом расид.
Дар семинари омӯзишӣ, фаъолони иттифоқи касаба оид ба сохтор, мақсад ва вазифаҳои Кумитаи Иттифоқи Касабаи Маорифи Аврупо, Иттифоқи касабаи омӯзгорони Шветсия ва Иттифоқи касабаи кормандони маориф ва илми Ҷумҳурии Тоҷикистон, пешбурди назорати ҷамъиятӣ, коргузорӣ дар Иттифоқи касаба, методҳои баргузории маҳфилҳои иттифоқи касаба, қонунгузории Ҷумҳурии Тоҷикистон дар бораи иттифокҳои касаба ва соҳаи меҳнат ва дигар масоили марбут ба фаъолияти иттифоқи касаба, донишҳои назариявӣ ва амалии худро такмил доданд.
Дар анҷоми семинари омӯзишӣ, фаъолони итттифоқи касаба сертификати Кумитаи Иттифоқи Касабаи Маорифи Аврупо, Иттифоқи касабаи омӯзгорони Шветсия ва Иттифоқи касабаи кормандони маориф ва илми Ҷумҳурии Тоҷикистонро гирифтанд.